Venesuela prezidenti Maduro Maskni jangga chaqirdi

Amerikalik biznesmen Ilon Maskni yana jangga chaqirishdi. Bu safar Venesuela prezidenti Nikolas Maduro uning raqibi bo‘lmoqchi. Bularning barchasi Tesla va SpaceX rahbarining Venesueladagi saylov natijalariga ishonmasligi bilan bog‘liq.

«Anadolu» agentligi ma’lumotlariga koʻra, Mask va Maduro oʻrtasidagi kelishmovchilik biznesmen Venesueladagi saylovlarda falsifikatsiya qilinganini aytgan edi.

Shundan so‘ng Maduro milliy televideniye orqali Maskni duelga chaqirdi.

«Jang qilmoqchimisan? Sen bilan ringga chiqaman. Ilon Mask, men tayyorman», deya mamlakat prezidentining so‘zlarini keltirgan agentlik.

O‘z navbatida, Mask Maduroning X ijtimoiy tarmog‘ida (sobiq Twitter) taklifiga rozilik bilan javob bergan edi.

«Agar men g‘alaba qozonsam, u Venesuela prezidentligi lavozimidan ketadi. Agar u g‘alaba qozonsa, unga Marsga bepul sayohatni taqdim etaman», deb yozgan Mask o‘z sahifasida.

Eslatib o‘tamiz, Maskni oldin ham jangga chaqirishgan edi. Avvalroq, Meta rahbari Mark Sukerberg ham xuddi shunday taklif bilan biznesmenga murojaat qilgan edi.

Venesuelada saylovlar 28-iyul kuni bo‘lib o‘tgan edi. Amaldagi prezident Maduro g‘olib deb e’lon qilindi.