Toshkentda eski turarjoy binolari buziladi
Renovatsiya loyihasi doirasida Toshkent shahridagi eski ko‘p qavatli uylar buziladi, poytaxt rahbari Shavkat Umurzoqov tegishli qarorlar qabul qildi.
Mirzo Ulug‘bek tumanida 26,71 gektar, Sergeli tumanida 35,15 gektar, Shayxontohur tumanida 36,82 gektar, Chilonzor tumanida 5 gektar, Yashnobod tumanida 54,67 gektar va Yakkasaroy tumanida 13 gektar maydonda shahar ob’ektlarini rekonstruksiya qilish ishlari amalga oshiriladi.
Loyiha «Toshkent invest kompaniyasi» aksiyadorlik jamiyati, poytaxt qurilish, madaniyat, kadastr masalalari boshqarmalari va boshqa boshqarmalar tomonidan amalga oshiriladi.
Taniqli bloger Nikita Makarenko shahar hokimining qarorini qoraladi.
«Yana ko‘z yoshlari, hayqiriqlar, vayron bo‘lgan uylar va ko‘chalarga tashlangan oilalar, norozilik namoyishlari, huquq-tartibot idoralari bilan janjallar. Hammasi shunday bo‘ladi. Ular buni boshqa yo‘l bilan qanday qilishni bilishmaydi va xohlamaydilar ham», deb yozdi Makarenko o‘zining Telegram-kanalida.
O‘z navbatida, iqtisodchi Otabek Bakirov bu qarorlarni noqonuniy ekanligini ta’kidladi.
Umurzoqovning qaroriga «Milliy tiklanish», «Adolat», O‘zLiDeP, O‘zbekiston Ekopartiyasi ham qarshi chiqdi.
EcoPartiya ta’kidlashicha, rekonstruksiya loyihasi shahar ekologiyasiga katta zarar yetkazadi.
