Ilon Maskning ijtimoiy platformasi X seshanba kuni Butunjahon reklamachilar federatsiyasi (BRF) va bir nechta yirik kompaniyalarni X’ni boykot qilish va uning daromadini yo‘qotishiga sabab bo‘lganlikda ayblab sudga berdi. Bu haqda Reuter xalqaro nashri xabar berdi.
Unga ko‘ra, X Texasdagi federal sudga BRF, Mars, CVS Health, Unilever va Daniyaning qayta tiklanadigan energiya kompaniyasi Orsted’ga qarshi da’vo arizasi bilan murojaat qilgan.
Da’voda aytilishicha, reklama beruvchilar BRF tashabbusi bilan mas’ul ommaviy axborot vositalari uchun global birlashma deb nomlangan yangi yorliq ochmoqda. Bu esa ilgari Twitter nomi bilan tanilgan X’ni milliardlab dollarlik reklama daromadidan mahrum qildi.
Yana aytilishicha, ular AQShning monopoliya bilan kurashish bo‘yicha qonunchiligini buzgan platformaga qarshi fitna uyushtirib, X’ning iqtisodiy manfaatlari zid harakat qilganlar.
BRF, Unilever, Mars, CVS Health va Orsted da’vo so‘roviga javob bermagan.
Ma’lumot uchun, Ilon Mask Twitter’ni 2022-yilda sotib olganidan so‘ng X’ning reklamadan oladigan daromadi bir necha oy davomida pasayib ketgan edi.
Eslatib o‘tamiz, avvalroq Mask Neuralink chipining navbatdagi muvaffaqiyatli implantatsiyasini e’lon qildi.
