Janubiy Koreya Mudofaa vaziri Shin Von-Sik Shimoliy Koreyani to‘xtatib turish uchun mamlakatning yadroviy quroliga doir yangilangan chaqiriqlarni rad etdi. Bu haqda Reuters nashri xabar berdi.
Unga ko‘ra, qo‘shni Shimol yadroviy va raketa salohiyatini jadallik bilan kengaytirar ekan, so‘nggi oylarda aksariyat hukumat rasmiylari va prezident Yun Suk Yolning konservativ hukmron partiyasi a’zolari yadroviy qurol yaratish lozimligiga urg‘u bergan.
«Agar biz yadroviy qurollarni tarqatmaslik to‘g‘risidagi shartnomadan chiqsak, AQSh va Janubiy Koreya ittifoqida katta yoriq paydo bo‘ladi. Shuningdek, bu bizning moliyaviy bozorimizga ham kuchli zarba berishni boshlaydi», — dedi vazir.
Shin siyosatchilar va tashqi siyosat bo‘yicha ekspertlar o‘rtasidagi bahs-munozaralar ko‘pchilik janubiy koreyaliklar hali ham Amerikaning keng qamrovli chorasi – AQShning harbiy salohiyati, xususan, yadroviy kuchlari haqida xavotirda ekanidan dalolat ekanini tan oldi.
Shinning aytishicha, Shimoliy Koreya may oyida ayg‘oqchi sun’iy yo‘ldoshni uchirish bo‘yicha muvaffaqiyatsiz urinishda foydalanilgan raketa dvigateli bo‘yicha Rossiyadan yordam olgan.
Ammo u buni “qizil chiziq» dan o‘tish deb hisoblamadi va uning o‘rniga qit’alararo ballistik raketalar va yadro qurollari, shuningdek, havo qurollari, radarlar, tanklar va qiruvchi samolyotlar bilan bog‘liq har qanday texnologiyani uzatishga e’tibor qaratganini aytdi.
O‘tgan yildan 4-avgustgacha Shimoliy Koreya Rossiyaga 12 mingdan ortiq konteyner jo‘natdi, bu 5,6 mln 152 mm ga yaqin artilleriya snaryadlarini olib o‘tish uchun yetarli bo‘ladi, dedi Shin.
Eslatib o‘tamiz, avvalroq Shimoliy Koreya yangi raketani sinovdan oʻtkazgan edi.
