YouTube platformasining sobiq bosh direktori Syuzan Vodjitski 56 yoshida vafot etdi. Bu haqda Google bosh ijrochi direktori Sundar Pichai X tarmogʻidagi sahifasida ma’lum qildi.
Unga koʻra, Syuzan Vodjitski soʻnggi ikki yil davomida oʻpka raki bilan kurashib kelgan.
«U Google tarixi uchun hamma kabi muhim va usiz dunyoni tasavvur qilish qiyin. U dunyoga katta ta‘sir koʻrsatgan aql bovar qilmaydigan odam, yetakchi va doʻst edi. Biz uni juda sogʻinamiz», deb yozdi Pichai.
Ma’lumot uchun, Syuzan Vodjitski YouTubeʼni 2014-yildan 2023-yilgacha boshqargan. Aynan uning davrida YouTube dunyoni zabt etdi.
Avvalroq «Kursiv» Oʻzbekistonning Janubiy Koreyadagi elchisi vafot etgani haqida xabar bergan edi.
