Yunusobod tumanida joylashgan doʻkonlarda yongʻin chiqdi

Toshkent shahrida joylashgan doʻkonlarining birida yongʻin yuz berdi. Bu haqda shahar FVB ma’lum qildi.

Aniqlanishicha, bugun, 10-avgust kuni soat 14:02 da Toshkent shahar Yunusobod tumani, Yangishahar koʻchasida joylashgan doʻkonlarda yongʻin sodir boʻlayotgani toʻgʻrisida shahar FVBga xabar tushgan.

Shunga koʻra, yongʻin-qutqaruv texnikalari aytilgan manzilga soat 14:08 da yetib borgan va soat 14:29 da yongʻin oʻchirilgan.

Boshqarmaning ta’kidlashicha, yongʻin sababi va moddiy zarar miqdori aniqlanmoqda. Shuningdek, hodisa oqibatida halok boʻlgan va jabrlanganlar yoʻqligi aytildi.

Avvalroq «Kursiv» Mirzo Ulugʻbek tumanida yongʻin sodir boʻlgani haqida xabar bergan edi.