O‘zbekiston prezidenti Shavkat Mirziyoyev mamlakatda energiya resurslarini tejashga qaratilgan yangi qonunni imzoladi. Ushbu hujjat energiya tejash sohasidagi huquqbuzarliklar uchun javobgarlik choralarini o‘z ichiga oladi.
Unga ko‘ra, «O‘zenergoinspektsiya» tomonidan muntazam tekshiruvlar o‘tkazib, bu boradagi qonunbuzarliklarni aniqlab boradi.
Jarimalarning miqdori qoidabuzarlik xususiyatiga bog‘liq bo‘ladi va sotilgan mahsulot yoki iste’mol qilingan energiya qiymatining 50% ga yetishi mumkin. Masalan, neft mahsulotlarini sertifikatlanmagan nazorat o‘lchov asboblari orqali iste’molchilarga yetkazib berganlik uchun oxirgi tekshirish sanasidan boshlab sotilgan mahsulot qiymatining yarmi miqdorida jarima to‘lash kerak bo‘ladi.
Davlat sifat standartlariga javob bermaydigan elektr energiyasini yetkazib berish moliyaviy javobgarlikka sabab bo‘ladi. Yetkazib beruvchi energiya narxining 1 foizini to‘lashi kerak bo‘ladi.
Agar yuridik shaxs davlat organi ruxsatsiz tabiiy gazdan foydalanish qurilmalarida sinov-sozlash ishlarini amalga oshirsa, u ushbu ish qiymatining 10% miqdorida jarimaga tortiladi.
Jarima miqdori korxona aktivlarining 20 foizidan oshsa, uni olti oy davomida bo‘lib-bo‘lib to‘lash mumkin.
Agar ixtiyoriy ravishda bartaraf etilgan bo‘lsa va yetkazilgan zararning o‘rnini to‘liq qoplagan bo‘lsa, birinchi qoidabuzarlik uchun jarimalar hisoblanmaydi. Bu huquqbuzarlik fors-major holatlarida sodir etilgan holatlarga ham tegishli.
Qoidalar energiyadan, jumladan, neft-gaz, elektroenergetika va issiqlik tarmoqlaridan foydalanadigan korxona va tashkilotlarga nisbatan qo‘llaniladi.
Qonun rasmiy e’lon qilingan kundan uch oy o‘tgach (2024-yil 9-noyabr kuni) kuchga kiradi.
Avvalroq «Kursiv» Vazirlar Mahkamasi energiya tejash bo‘yicha yagona davlat siyosati amalga oshirilishini ta’minlashi hamda yoqilg‘i-energetika resurslarini iste’mol qilish standartlarini ishlab chiqish va qayta ko‘rib chiqish uchun javobgar bo‘lishini yozgan edi.
