12-avgust, dushanba kuni O‘zbekistonning ayrim hududlarida shamol tezligi 13-18 m/s gacha kuchayishi (Bofort shkalasi bo‘yicha 12 balldan 6-8 ball bo‘ladi) va chang to‘zoni yuzaga kelishi kutilmoqda, deb xabar berdi «O‘zgidromet».
Respublikada oʻrtacha kunlik havo harorati +33…+38° boʻladi.
Qoraqalpog‘iston va Xorazm viloyatida yomg‘ir yog‘ib, momaqaldiroq bo‘lishi mumkin.
Toshkentda sinoptiklar +36…+38°, tog‘li hududlarda +22…+27° bo‘lishini ta’kidladi.
Avvalroq «Kursiv» O‘zbekistonda jazirama issiq tufayli poyezdlar tezligi cheklangani haqida yozgan edi.
