Oʻzbekistonlik futbolchi Eldor Shomurodov faoliyatini AQSh klubida davom ettirishi mumkin
eʼlon qilindi
Bu haqda italiyalik taniqli insayder Fabritsio Romano o‘zining ijtimoiy tarmoqlardagi sahifasida ma’lum qildi
Oʻzbekistonlik futbolchi Eldor Shomurodov faoliyatini AQSh klubida davom ettirishi mumkin. Bu haqda italiyalik taniqli insayder Fabritsio Romano oʻzining ijtimoiy tarmoqlardagi sahifasida ma’lum qildi.
Unga koʻra, AQSHning «Atlanta Yunayted» jamoasi «Roma»ga oʻzbekistonlik futbolchi borasida soʻrov yuborgan. Uning ta’kidlashicha, hozirda muzokaralar davom etmoqda.
Ma’lumot uchun, Eldor Shomurodov Italiyaning «Roma» klubi futbolchisi hisoblanadi. Shuningdek, u Italiyadagi faoliyati davomida «Jenoa» va «Spetsia» klublarida ham toʻp surgan.
Avvalroq «Kursiv Uzbekistan» futbolchi Abbosbek Fayzullayev Olimpiada oʻyinlaridagi taomlardan norozi boʻlgani haqida xabar bergan edi.
