EMBRAS 2024 HR-mukofotiga arizalarni qabul qilish davom etmoqda
18-oktabr kuni HR sohasida muhim voqea bo‘lib o‘tadi: xalqaro EMBRAS mukofoti va sammiti, Employer Brand Award & Summit. Bu yil tanlovning yuqori dolzarbligi tufayli mahalliy va xalqaro kompaniyalar tomonidan mukofotga katta qiziqish qayd etildi.
EMBRAS – ish beruvchi brendi va HR sohasi bo‘yicha nufuzli yillik mukofot hamda sammitdir. Joriy yilda EMBRAS maydoni o‘zining yettinchi yilligini nishonlamoqda.
Mukofotda ishtirokchilar o‘zlarini ko‘rsatishlari, amalga oshirilgan HR-loyihalarini namoyish etishlari va professional hamjamiyatning e’tirofiga sazovor bo‘lishlari mumkin. Mukofot doirasida 2024-yilning eng dolzarb mavzulariga bag‘ishlangan Sammit bo‘lib o‘tadi. Unda xalqaro va mahalliy spikerlar, shuningdek, Mukofot nomzodi ishtirok etadi.
Mukofot ishtirokchilarni Markaziy Osiyo, MDH va Yevropa kompaniyalarining o‘ziga xos xususiyatlari bilan bitta maydonda tanishtiradi, u yerda mahalliy va xalqaro HR-mutaxassislari boshqaruv va xodimlarni rivojlantirish bo‘yicha eng yaxshi amaliyot bo‘yicha tajriba va bilim almashadilar.
Bu yilgi mukofotga nomzodlar orasida Kapitalbank, Korzinka, Nestle, Safia qandolat uyi, Evos, Click, Beeline Uzbekistan, Ucell, M Cosmetic, UzCarlsberg, Biznesni rivojlantirish banki, SQB va boshqa ko‘plab kompaniyalar bor. Tadbir rahbarlar va top-menejerlar, HR direktorlari, shuningdek, kadrlar tayyorlash va rivojlantirish bo‘yicha mutaxassislarga mo‘ljallangan.
«Bizning hakamlar hay’ati HR sohasida tan olingan, o‘z bozorlarida ta’sirga ega bo‘lgan va ushbu ishlarni baham ko‘rishi mumkin bo‘lgan ekspertlardir. Nomzodlar uchun bu, shuningdek, taniqli ekspertlardan baho olish, ularning faoliyati jahon tajribasiga qanchalik mos kelishini tushunish imkoniyati. Bizning asosiy maqsadimiz ham shu edi,» deydi EMBRAS mukofoti hakamlar hay’ati raisi Tatyana Koval.
Mukofot nominatsiyalari
Har bir kompaniya uchta turli nominatsiya bo‘yicha uchtagacha turli loyihalarni taqdim etishi mumkin. Jami sakkizta nominatsiya ta’sis etilgan:
— Biznes-natija;
— Ochiq muloqot;
— Ish beruvchining imiji;
— Innovatsiyalar;
— Iste’dodlarni rivojlantirish;
— Ezgu ishlar;
— Xodimlarni boshqarishda ESG;
— Yildagi yutuq.
«EMBRAS tashkilotchilarining tashabbusi O‘zbekistonda inson resurslarini boshqarish sohasini rivojlantirishga qaratilgan bo‘lib, kompaniyalarga tajriba almashish, mamlakat va xorijdagi hamkasblarining eng yaxshi keyslarini o‘rganishga yordam beradi. Albatta, bu umuman mehnat bozorini rivojlantirishga yordam beradi,» deydi «Kursiv Uzbekistan» direktori va bosh muharriri Anastasiya Novikova. Nashr Mukofotning axborot hamkori hisoblanadi.
«Bu turdagi mukofotlarda ishtirok etish kompaniya va men uchun birinchi tajriba emas, lekin juda hayajonli! Bunday tadbirlarning asosiy afzalliklari – bu tajriba almashish, muvaffaqiyatli keyslar bilan tanishish, o‘z mahoratingizni ko‘rsatish va uni kengaytirish imkoniyatidir. Agar siz HR brendini yanada jozibador qilish, nomzodlarni jalb qilish uchun byudjetni tejash va ekspert hamkasblar va kompaniyalar jamiyatida o‘zingizni ko‘rsatishni istasangiz, unda maslahat – EMBRAS mukofotlarida ishtirok eting!», deya ta’kidladi Humans Academy’ning kadrlar bilan ishlash bo‘yicha direktori Liliya Axatova.
8-oktabr
EMBRAS mukofoti sanasi: 2024-yil 18-oktabr
O‘tkazish joyi: Hyatt Regency Tashkent
Batafsil: +998 90 969 91 55
Pochta: award@embras.world
Sayt: embras.world
Mukofot Telegram kanaliga obuna bo‘ling: https://t.me/embras_world
