Yangihayot tumanida joylashgan omborxonada yong‘in sodir bo‘ldi – video

Bugun, 24 avgust kuni soat 09:41 da Toshkent shahar Yangihayot tumani Yangi Darxon ko‘chasida joylashgan ishlab chiqarish sexlarining omborida yong‘in sodir bo‘ldi. Bu haqida Favqulodda vaziyatlar boshqarmasi xabar berdi.

Yong‘in-qutqaruv ekipajlari soat 09:48 da voqea joyiga yetib borib, hozirda uni bartaraf etish ishlari olib borilmoqda.

Hodisa oqibatida jabrlangan yoki halok bo‘lganlar haqida ma’lumot kelib tushmagan. Vaziyat nazoratga olingan.

Avvalroq Kursiv Uzbekistan Yunusobod tumanida joylashgan doʻkonlarda yongʻin chiqqani haqida yozgan edi.