«Zolotaya Korona» to‘lov tizimi ishlab chiqaruvchisiga AQSH tomonidan qarshi sanksiyalar kiritildi
23-avgust kuni AQSH SDN sanksiyalar ro‘yxatiga «Zolotaya Korona» to‘lov tizimining ishlab chiqaruvchisi va bosh kompaniyasi bo‘lgan «Moliyaviy texnologiyalar markazi» (MTM) kompaniyasi kiritilgan. Bu haqda Meduza nashri xabar bermoqda.
Shuningdek, «KartStandart» protsessing markazi, «Faktura.ru» banklararo internet-banking platformasi va «Gorod» uy-joy kommunal xo‘jaligi xizmatlariga to‘lov tizimi ham MFT tarkibiga kiradi.
Bu ro‘yxatga Rossiya, Osiyo, Yevropa va Yaqin Sharqning bir qator mamlakatlaridan 400 ta jismoniy va yuridik shaxslar kiritilgan.
Sanksiyalar kiberxavfsizlik bilan bog‘liq ko‘plab IT-kompaniyalar va tashkilotlarga ta’sir ko‘rsatdi. Bular orasida MTS kompaniyasining bo‘linmasi bo‘lgan MTS Red hamda Natalya Kasperskayaga tegishli ma’lumotlarni tahlil qilish platformasini ishlab chiqaruvchi «Kribrum» kompaniyasi ham bor.
Qayd etilishicha, «Zolotaya Korona» joriy mojaro sharoitida Rossiyadan boshqa mamlakatlarga mablag‘ o‘tkazishning asosiy kanallaridan biriga aylangan.
To‘lov tizimi o‘ndan ortiq mamlakatlarga turli valyutalarda pul o‘tkazish imkonini beradi. Xizmatdan Rossiyada ishlaydigan migrantlar ham, Ukrainadagi mojaro boshlanganidan keyin davlatni tark etgan aholi ham faol foydalanmoqda.
Avvalroq Kursiv Uzbekistan muhojirlar Rossiyadan O‘zbekistonga qanday pul jo‘natishi haqida yozgan edi.
