Xitoyning ikki yirik brokerlik kompaniyasi birlashmoqchi
Xitoyning ikki yirik davlat brokerlik kompaniyalari Guotai Junan Securities va Haitong Securities birlashmoqchi. Bu haqda Bloomberg nashri xabar berdi.
Bitim umumiy aktivlari $230 milliard boʻlgan vositachilikni yaratadi. Kombinatsiya prezident Si Szinpinning Gʻarb moliyaviy kompaniyalari bilan raqobatlasha oladigan bir nechta yetakchi brokerlik kompaniyalarini yaratish haqidagi taklifidan soʻng amalga oshiriladi.
«Birlashish aksiyalarni almashish yoʻli bilan amalga oshiriladi, lekin bitim tartibga soluvchi organlar, shuningdek, ikkala kompaniyaning direktorlar kengashi va aksiyadorlari tomonidan tasdiqlanishi kerak», deyiladi xabarda.
Ushbu jarayonlar zaif fond bozori dinamikasi va Xitoy iqtisodiyotining sekinlashishi fonida sodir boʻladi. CCI 300 indeksi oʻtgan yili 14 foizga tushib ketdi, bu esa brokerlik foydasiga zarar yetkazdi. Misol uchun, Haitong kompaniyasi yilning birinchi yarmida oʻz foydasining 75 foizini yoʻqotdi va uning aksiyalari yil davomida 12 foizga kamaydi.
Avvalroq Kursiv Uzbekistan Nike kompaniyasining aksiyalari keskin koʻtarilgani haqida xabar bergan edi.
