Yangi oʻquv yili boshlanishi bilan Toshkent metropolitenida poyezdlari intervallari qisqartirildi, deya xabar bermoqda UzA.
Ma’lum qilinishicha, yozda metropoliten bir kunda 550 – 600 ming fuqaroga xizmat qilgan. Oʻquv yili boshlanishi bilan bu koʻrsatkich 920 – 930 ming nafargacha yetdi, shuningdek, oktabr va noyabr oylarida esa 1 millionga borishi kutilmoqda.
Yoʻlovchilarga qulaylik yaratish maqsadida tigʻiz vaqtlarda yoʻnalishlar boʻyicha intervallar quyidagicha qisqartirildi:
- Chilonzor yoʻnalishi — 1,5-2 daqiqa;
- Oʻzbekiston yoʻnalishi — 4 daqiqa;
- Yunusobod yoʻnalishi — 4–5 daqiqa;
- Yer usti halqa yoʻli yoʻnalishi — 8–9 daqiqa.
Shuningdek, zaxira poyezdlar harakatini yoʻlga qoʻyish ham rejalashtirilgan.
Avvalroq Kursiv Uzbekistan «Xalqlar doʻstligi» metro bekatining ikkinchi vestibyuli qayta foydalanishga topshirilgani haqida xabar bergan edi.
