Noyabrdan boshlab Pekinga aviaqatnovlar soni ortadi
eʼlon qilindi
Juma kunlari ham poytaxtlar o‘rtasida aviaqatnov yo‘lga qo‘yiladi
1-noyabrdan boshlab Toshkent — Pekin — Toshkent yo‘nalishida aviaqatnovlar soni haftada to‘rt marotabagacha oshiriladi. Bu haqda Uzbekistan Airways axborot xizmati xabar berdi.
Avvallari ushbu yo‘nalishda aviaqatnovlar haftaning juft kunlari (seshanba, payshanba, shanba) kunlari amalga oshirilgan.
Endilikda hartaning juma kuni ham poytaxtlar o‘rtasida aviaqatnov yo‘lga qo‘yiladi.
Avvalroq Kursiv Uzbekistan Silk Avia Toshkent – Shahrisabz – Toshkent yo‘nalishidagi aviaqatnov yo‘lga qo‘yilishi haqida xabar bergan edi.
