O‘zbekistonda yo‘lning chap chetida yuk mashinalari harakatlangani uchun jazo qo‘llaniladi
Yo‘llarning eng chap qismida yuk avtomobillari harakati uchun ma’muriy javobgarlik O‘zRda kiritilmoqda. Bu «O‘zbekiston Respublikasining Ma’muriy javobgarlik to‘g‘risidagi kodeksiga o‘zgartirish va qo‘shimchalar kiritish haqida»gi qonun loyihasida nazarda tutilgan. Bu haqda Oliy Majlis matbuot xizmati xabar beradi.
Kuni kecha hujjatni respublika parlamenti yuqori palatasining Mudofaa va xavfsizlik masalalari qo‘mitasi ko‘rib chiqdi. Uning ishtirokchilari qonun loyihasini O‘zbekiston yo‘llarida harakat xavfsizligini ta’minlashda muhim deb hisobladi.
Mamlakatda yo‘l harakati qoidalariga ko‘ra, yuk avtomobillariga harakatlanish paytida eng chap qatorni egallash taqiqlangan. Faqat chapga burilish yoki orqaga qaytish hollari bundan mustasno. Ammo qonunchilikda bu qoidabuzarlik uchun javobgarlik belgilanmagan. Mazkur hujjat ana shu bo‘shliqni to‘ldiradi.
Qo‘mita ma’lumotlariga ko‘ra, 2024-yilning yanvar-iyul oylarida O‘zbekiston yo‘llarida yuk mashinalari ishtirokida 303 ta YTH sodir bo‘lgan. Oqibatda 108 kishi halok bo‘lgan, 227 kishi jarohatlangan.
Kursiv Uzbekistan aprel oyida yuk mashinalarining Toshkentga kirishi vaqtincha taqiqlangani haqida yozgan edi.
