Rossiyaning Inter RAO kompaniyasi O‘zbekistonda ko‘mir qazib olishni rejalashtirmoqda

Rossiya va Oʻzbekiston respublikasida koʻmir qazib olish boʻyicha qoʻshma loyiha ishlab chiqmoqda, RFning Inter RAO kompaniyasi esa bu loyiha bo‘yicha investor boʻlishi mumkin. Bu haqda Rossiya Federatsiyasi energetika vaziri Sergey Sivilev ma’lum qildi.

Loyihada ko‘mirni qayta ishlash va uning asosida elektr energiyasi ishlab chiqarish ko‘zda tutilgan.

«Biz birgalikda bularning barchasini tezda hal qilishga kelishib oldik», dedi Rossiya Energetika vazirligi rahbari.

Inter RAO – elektr energiyasini ishlab chiqarish va etkazib berish bo‘yicha Rossiyaning yirik operatori. Kompaniya energetika obyektlarini loyihalash va qurish bilan ham shug‘ullanadi.

Avvalroq Kursiv Uzbekistan nashri Rossiya prezidenti Vladimir Putin so‘zlariga ko‘ra, O‘zbekistonga Rossiya gazi kerakligi haqida yozgan edi. Rossiya rahbari zaruratni respublikaning iqtisodiy o‘sishi bilan bog‘ladi.