17-sentabr kuni Toshkent va Farg‘ona vodiysida yomg‘ir yog‘adi
eʼlon qilindi
Toshkent, Jizzax va Sirdaryo viloyatlarida ham yog‘ingarchilik kuzatiladi
Bugun, 17-sentabr kuni Farg‘ona vodiysi, Toshkent, Jizzax va Sirdaryo viloyatlarida kunning birinchi yarmida yomg‘ir yog‘adi. Boshqa viloyatlarda yog‘ingarchilik kuzatilmaydi. O‘rtacha havo harorati 25-30 daraja issiq bo‘ladi. Bu haqda Gidrometeorologiya xizmati agentligi xabar beradi.
Poytaxtda ham qisqa muddatli yomg‘ir yog‘ishi kuzatiladi. Kunduzi havo harorati 28-darajagacha isishi mumkin.
Tog‘li hududlarning ayrim joylarida yog‘ingarchilik kuzatiladi. Havo harorati 17-darajagacha ko‘tariladi.
