Issiqlik ta’minoti va issiq suv tariflarining oshirilishi: rasmiy izoh
Toshkent shahrida 2024-yil 12-sentabrdan aholi va yuridik shaxslar (budjet tashkilotlaridan tashqari) uchun issiq suv va issiqlik ta’minoti tariflarini 15 foizga oshirish haqida taklif ma’qullandi. Bu haqda Veolia Energy matbuot xizmati xabar bermoqda.
Kompaniyaning xabariga ko‘ra, issiqlik va issiq suv ishlab chiqarish uchun zarur bo‘lgan gaz va elektr energiyasi narxlarining oshishi bunga sabab bo‘lmoqda.
Aholi uchun tariflar 2019-yildan beri birinchi marta oshirildi.
Hozir aholi bazaviy qiymatning 16 foizini to‘laydi, oshirilganidan keyin esa 18 foizini to‘laydi. Qolgan 82 foizi davlat tomonidan qoplanadi.
Tariflarni oshirish bo‘yicha hali qaror qabul qilinmagan.
Kengashning qarori Toshkent shahar hokimiga ko‘rib chiqish uchun yuboriladi, shundan so‘ng qaror loyihasi jamoatchilik muhokamasi uchun www.regulation.gov.uz saytida e’lon qilinadi (15 kun).
Yakuniy qaror hokim tomonidan qabul qilinadi, shundan so‘ng yangi tariflar 15 kundan keyin kuchga kiradi.
Avvalroq Kursiv Uzbekistan poytaxtda issiqlik va issiq suv narxi oshirilishi haqida xabar bergan edi.
