Telegram messenjeri asoschisi Pavel Durov ilovadagi qidiruv xavfsizligini kuchaytirilishi va maxfiylik siyosatining yangilanishini aytdi. Bu haqda Durov o‘zining Telegram kanalida post joyladi.
«Telegramda qidiruv boshqa xabar almashish ilovalariga qaraganda kuchliroq, chunki u foydalanuvchilarga umumiy kanallar va botlarni topish imkonini beradi. Afsuski, bu xususiyatdan noqonuniy tovarlarni sotish uchun xizmat ko‘rsatish shartlarini buzgan odamlar suiiste’mol qilishdi».
So‘nggi bir necha hafta ichida sun’iy intellektdan foydalangan holda maxsus moderatorlar jamoasi Telegram qidiruvini ancha xavfsizroq qildi. Qidiruvda biz aniqlagan barcha muammoli kontentga kirish imkoni yo‘q. Agar siz hali ham Telegram qidiruvida xavfli yoki noqonuniy biror narsani topsangiz, bu haqda @SearchReport orqali bizga xabar bering.
Durovning ta’kidlashicha, jinoyatchilarning Telegram Search xizmatini suiiste’mol qilishlarini oldini olish uchun biz xizmat ko‘rsatish shartlari va Maxfiylik siyosatimiz yangilandi va butun dunyo bo‘ylab izchil bo‘lishi ta’minlandi. Qoidalarni buzganlarning IP manzillari va telefon raqamlari qonuniy talablarga javoban tegishli organlarga oshkor qilinishi mumkin bo‘ldi.
Bu choralar jinoyatchilarni ruhlantirmasligi kerak. Telegram qidiruvi noqonuniy tovarlarni targ‘ib qilish uchun emas, balki do‘stlar topish va yangiliklarni topish uchun mo‘ljallangan. Biz yomon maqsadlilarning deyarli bir milliard foydalanuvchi uchun platformamiz yaxlitligini xavf ostiga qo‘yishiga yo‘l qo‘ymaymiz.
Eslatib o‘tamiz, avvalroq Telegram Premium obunachilari soni 10 million kishiga yetgani haqida yozgan edik.
