Markaziy Osiyo mamlakatlari omborlar hajmi bo‘yicha Rossiyadan o‘zib ketish imkoniyatiga ega — IBC
Markaziy Osiyoda sifatli omborxonalar hajmi yaqin yillarda 46 mln kvadrat metrga yetishi mumkin. IBC Global va Colliers tahlilchilari ma’lumotlariga ko‘ra, 2024-yilda ushbu ko‘rsatkichning atigi 3 foizi mintaqa mamlakatlariga to‘g‘ri keladi.
IBC Global boshqaruvchi hamkori Stanislav Axmedjanovning ta’kidlashicha, Markaziy Osiyo sifatli ombor ko‘chmas mulklari hajmi bo‘yicha Rossiyadan o‘zib ketishi mumkin.
1st Central Asia Warehouse Summit’da ekspertlar ushbu maqsadga erishish uchun qanday qadamlar zarurligini va o‘sishga qanday omillar yordam berishini muhokama qildi.
Qozog‘iston anchadan beri iqtisodiy o‘sishni namoyish etmoqda, bu esa sifatli omborlarga bo‘lgan talabni oshiradi. Mamlakatda ombor ko‘chmas mulklari hajmi 1,4 mln kvadrat metrni tashkil etadi, shundan faqat 578 ming kvadrat metri toifasidagi omborlar hisoblanadi.
O‘zbekiston va Qirg‘izistondagi vaziyat yanada murakkab: O‘zbekistonda atigi 298 ming kvadrat metr, shundan 53 ming kvadrat metr sifatli omborlar, Qirg‘izistonda esa 108 ming kvadrat metr, shundan 36 ming kv.m A toifasidagi omborlar. Tojikistonda esa sifatli omborlar umuman yo‘q.
Avvalroq Kursiv Uzbekistan O‘zbekiston va Qozog‘iston ombor maydonining narxi bo‘yicha Dubay va Manchesterni ortda qoldirgani haqida yozgan edi.
