Yandex Maps ilovasida o‘zbek tili ishga tushirildi. Bu haqda kompaniya Kursiv Uzbekistan’ga xabar berdi.
Ma’lum qilinishicha, Oʻzbekistonda Yandex Maps ilovasidan har oy 2,8 milliondan ortiq kishilar foydalanadi. Soʻnggi yilda foydalanuvchilar soni qariyb 50 foizga oʻsgan.
Mobil ilovani yangilash iOS va Android operatsion tizimlarida ishlaydigan smartfonlarda mavjud.
Yangilanishdan so‘ng tilni o‘zgartirish uchun ilovaga kirib, «Xarita va interfeys» — «Til» — «O‘zbekcha»ni tanlash kerak bo‘ladi.
«Bizning maqsadimiz – Oʻzbekiston aholisi uchun maksimal qulay boʻlgan
navigatsiya ilovasini taqdim etish», – deydi Yandex Uzbekistan rahbari Izzat Shukurov.
Avvalroq Kursiv Uzbekistan Yandex Go xizmati rebrending qilgani haqida xabar bergan edi.
