Telegram messenjeridagi soʻnggi uzilishlar Yaqin Sharqdagi voqealar bilan bogʻliq ekanligi maʼlum qilindi. Bu haqda messenjerning rasmiy kanalida xabar berildi.
«Isroil, Livan va Erondagi vaziyat tufayli serverlarga yuklanishning ortishi ulanish va media fayllarga kirishda vaqtinchalik muammolarga olib keldi», — deyiladi xabarda.
Bayonotda taʼkidlashicha, texnik guruh yuzaga kelgan muammolarni tezda bartaraf etib, xizmatning barqaror ishlashini tiklashni taʼminlagan
Eslatib o‘tamiz, 3-oktabr kuni oʻzbekistonlik foydalanuvchilar ham Telegramda bir necha soatga yaqin uzilishlarga duch keldi.
Avvalroq Kursiv Uzbekistan Telegram Premium obunachilari soni 10 million kishiga yetgani haqida xabar bergan edi.
