6-oktabr kuni Qozog‘istonda atom elektr stansiyasini (AES) qurish bo‘yicha referendum bo‘lib o‘tmoqda. Toshkent vaqti bilan soat 12:00 da fuqarolar 39,23 foizni tashkil etdi, deb xabar berdi Qozog‘iston markaziy saylov qo‘mitasi.
Unda 12,2 mln ovoz beruvchilardan 4,8 millioni ishtirok etdi. Eng yuqori tashrif Chimkentda qayd etilgan – 57,03 foiz, eng past Olmaotada – 11,88 foiz.
Referendumda amaldagi davlat rahbari Qosim-Jo‘mart To‘qayev ovoz berdi. Uning jurnalistlarga ma’lum qilishicha, xorijiy kompaniyalar konsorsiumi ishtirokida elektr stansiyasi qurilishini boshlash rejalashtirilgan.
Referendumda Qozog‘istonning birinchi prezidenti Nursulton Nazarboyev ham ishtirok etdi.
Qozog‘istonning O‘zbekistondagi elchixonasida Toshkentda bo‘lib o‘tayotgan xalqaro turnirda ishtirok etayotgan gandbol bo‘yicha Ostona ayollar terma jamoasi ovoz berdi.
Eslatib o‘tamiz, referendum 50 foizdan ortiq ishtirokchi qatnashgan taqdirda o‘tkazilgan deb tan olinadi.
Avvalroq Kursiv Uzbekistan Jizzax viloyatida kichik AES qurilishi boshlanishi haqida yozgan edi.
