Ma’lumotlarga ko‘ra, xakerlar hujumi natijasida Rossiyaning davlat teleradiokanallari hamda radiostansiyalari ko‘rsatuvlari to‘xtatib qo‘yilgan. Bu haqda Euronews nashri xabar berdi.
Qayd etilishicha, «Rossiya 1», «Rossiya 24», «Madaniyat», «Radio Rossiya» va «Mayak» ko‘rsatuvlari VGT-RK veb-sayti ishdan chiqishi natijasida 503 xatosini ko‘rsatmoqda, ya’ni «xizmat vaqtincha ishlamayapti».
«Xakerlar serverlardagi hamma narsani, jumladan, zaxira nusxalarini ham o‘chirib tashlagan. Onlayn eshittirish va ichki xizmatlar ishdan chiqqan, hatto internet ham, telefon ham yo‘q. Hozir telekanal ofisida vahima uyg‘ongan – hamma ertalab soat 6 dan boshlab eng og‘ir favqulodda vaziyatlarda ishlagan», deb xabar berdi Rossiya OAVlari.
Eslatib o‘tamiz, avvalroq Kursiv Uzbekistan Amerika mudofaa sanoatini chiplar bilan ta’minlab beruvchi kompaniya kiber hujumga uchragani haqida xabar bergan edi.
