Dunyodagi eng noodatiy 10 ta binosi
Kursiv Uzbekistan nashri Plan Radar sahifasiga tayanib, minglab turistlar va mahalliy tashrif buyuruvchilarni lol qoldirayotgan dunyodagi eng noyob binolar o‘ntaligini tuzdi.
- Beagle mehmonxonasi, AQSh
Noodatiy it shaklidagi uy AQShning Aydaxo shtatidagi Kottonvud shahrida apreldan oktabrgacha tashrif buyuruvchilar uchun ochiq bo‘lib, mehmonlarga muzlatgich, mikroto‘lqinli pech, bepul internet va vanna mavjud. Bir kechaning narxi ikki kishi uchun bir kechaga $132 turadi. Beagle mehmonxonasi insonlar bilan birga ularning itlarini ham qabul qiladi.
2. Dongdaeumun Design Plaza, Janubiy Koreya
2014-yildan beri Janubiy Koreya poytaxti Seulni yoritayotgan bu noyob bino ulkan neon yoritqichni eslatadi. Bino dizayni mashhur arxitektor Zaha Hadid tomonidan ishlab chiqilgan. Bino nafaqat noyob arxitekturasi tufayli, balki ichida qamrab olgan muzey, san’at zallari, savdo obyektlari va parklari bilan ham tashrif buyuruvchilarning hayratiga sabab bo‘lib kelmoqda.
3. Bund moliya markazi, Xitoy
Bu bino doimiy harakatlanib turuvchi tashqi ko‘rinishi bilan boshqalaridan farq qiladi. Po‘lat quvurlardan yasalgan uchta parda kuniga bir necha marta bino fasadi bo‘ylab harakatlanadi. Ko‘rgazma va konferensiyalar uchun mo‘ljallangan markaz bronza va oltin rang sxemasi bilan ham diqqatni tortadi. Shanxay metropolidagi mashhur. Ushbu ajoyib arxitektura durdonasi mualliflari Tomas Xezervik va Norman Fosterlardir.
4. Yarim shar binosi, Ispaniya
Me’mor Santyago Kalatravaning so‘zlariga ko‘ra, Valensiyadagi yarim sharning g‘ayrioddiy arxitekturasi inson ko‘zini ifodalaydi. Bino ichida 3D IMAX kinoteatri joylashgan. Yarim shar o‘zining maxsus dizayni bilan atrofdagi noodatiy binolar orasida yaqqol ajralib turadi.
5. Longaberger Basket binosi , AQSh
Ushbu g‘aroyib arxitektura yodgorligi nomi savdo savatlarini ishlab chiqarishga ixtisoslashgan kompaniya asoschisi Deyv Longabergerga borib taqaladi. Asoschisi vafotidan keyin bir muddat ishlashda to‘xtagan bino, 2020-yilda hashamatli mehmonxona sifatida qayta ochildi.
6. Raqs uyi, Chexiya
Me’mor Frenk Gehri tomonidan qurilgan ushbu bino «Fred va Ginger» laqabini olgan. Tanqidchilar g‘ayrioddiy arxitekturani Praganing an’anaviy shahar manzarasidan ajralib turishini aytgan. Bino muxlislari esa, aksincha, binoning dinamik tuzilishini doimo olqishlagan.
7. Krzywy Domek, Polsha
Bu qiyshiq shakldagi bino Polshaning Sopot shahridagi savdo markazining bir qismidir. 2004-yilda Szotyńscy & Zaleski tomonidan loyihalashtirilgan ushbu noodatiy bino mamlakatning eng ko‘p suratga olinadigan diqqatga sazovor joylaridan biri hisoblanadi.
8. Tosh uy, Portugaliya
Casa do Penedos yoki Portugaliyadagi «Tosh uy» 1972-74 yillarda bir nechta yirik tosh bloklar orqali qurilgan. O‘shandan buyon bino o‘zining tarixiy jozibasi bilan sayyohlarning diqqat markazida bo‘lib keladi. Bino ichida kichik muzey joylashgan.
9. Lotus ibodatxonasi, Hindiston
Nomidan ko‘rinib turibdiki, lotus guli Hindiston poytaxti Nyu-Dehlidagi Lotus ibodatxonasi uchun namuna bo‘lgan. Ma’badning g‘ayrioddiy arxitekturasi gulbarglar shaklidagi 27 ta mustaqil marmar elementni o‘z ichiga oladi. 40 metr balandlikdagi bino 2500 ga yaqin tashrif buyuruvchilarni o‘z ichiga sig‘dira oladi.
10. Choynak uy, Xitoy
Mashhur choynak shaklida qurilgan bino Xitoyning Vuxi shahrida joylashgan. Magistral diametri 50 metr va balandligi 38,8 metr bo‘lgan choynak binosi Wanda Group tomonidan qurilgan. 5000 kvadrat metr maydonni egallagan bino madaniy ko‘rgazmalar uchun xizmat qiladi. Uch qavatdan iborat binoning tashqi ko‘rinishi uchun alyuminiy qoplama va shishadan foydalanilgan.
Eslatib o‘tamiz, avvalroq dunyodagi eng noodatiy 10 ta meva haqida yozgan edik.
