Ozon Kursiv Uzbekistan tashkil etgan marketpleyslar poygasidan chiqib ketdi

Rossiyaning Ozon platformasi marketpleyslar poygadan chiqib ketdi, chunki sayt buyurtmalarni yetkazib berishda qiyinchiliklarga duch keldi.

Ozon 2-oktabr kuni Kursiv Uzbekistan nashri tashkil qilgan marketpleyslar poygasi ishtirokchilaridan biri edi. Undan tashqari tanlovda Amazon, AliExpress va Wildberries kompaniyalari ishtirok etmoqda.

Barcha platformalarda bir vaqtning o‘zida, 2 oktabr kuni termal sumkaga buyurtma berildi. Eng tez marketpleys Amerikaning Amazoni bo‘lib, u bir hafta o‘tib buyurtmani yetkazib berdi.

AliExpress tomonidan buyurtma qilingan termal sumka o‘n kundan keyin O‘zbekistonga yetkazildi. Wildberries’dan qilingan buyurtma hali ham yo‘lda.

Eslatib o‘tamiz, avvalroq Oʻzbekiston va Ozon oʻrtasida hamkorlik shartnomasi imzolangani haqida yozgan edik.