Si Szinpin Xitoy armiyasini urushga tayyorlamoqda
Xitoy rahbari Si Szinpin Tayvanni blokada qilish bo‘yicha so‘nggi mashg‘ulotlardan so‘ng urushga tayyorgarlikni kuchaytirish va yuqori jangovar shaylikni ta’minlashga chaqirdi. Bu haqda u Pekin harbiy manevrlari orolga tahdid solganidan bir necha kun o‘tib bayonot berdi.
Si Szinpin Xalq ozodlik armiyasining raketa brigadasiga tashrifi chog‘ida harbiylar «urushga tayyorgarlikni har tomonlama kuchaytirishi» va qo‘shinlarni ishonchli jangovar qobiliyat bilan ta’minlashi kerakligini aytdi, deb yozadi «SinXua».
«Haqiqiy jangovar qobiliyat va strategik to‘siqlik qobiliyatini kuchaytirish, shuningdek, partiya va xalq tomonidan qo‘yilgan vazifalarni qat’iyat bilan amalga oshirish kerak», – dedi XXR rahbari.
Shu hafta boshida Xitoy Tayvan atrofida yirik harbiy mashg‘ulotlar o‘tkazdi. Bu esa orolning «separatchi kuchlari» uchun ogohlantirish vazifasini o‘tadi. Bu mashg‘ulotlar Tayvanning yangi prezidenti saylanganidan keyingi ikkinchi mashg‘ulot amalga oshirildi.
«Qo‘shma qilich 2024B» deb nomlangan mashg‘ulotlar Tayvan prezidenti Lay Qingde Pekinning «anneksiya qilish» harakatlariga qarshilik ko‘rsatishga tayyorligini aytganidan bir necha kun o‘tib boshlandi.
Xitoy Tayvanni o‘zining ajralib chiquvchi viloyati deb bilsa, orol o‘zini o‘z hukumati va armiyasiga ega mustaqil davlat deb biladi.
Eslatib o‘tamiz, avvalroq Xitoy armiyasi Tayvanga hujum qilish uchun mashq jarayonini boshlagani haqida yozgan edik.
