Oʻzbekistondagi har ikkinchi oila oʻz avtomobiliga ega. Avtomobil nafaqat kundalik hayotda yordam beradi, balki egasining maqomini ham belgilab beradi. Carbox avtoservisi va oddiy avtomobil ixlosmandlari mamlakatda qaysi avtomobilni xarid qilish kerakligi haqida Kursiv Uzbekistanʼga soʻzlab berdi.
Oʻzbekistonda ishlab chiqarilgan
Oʻzbekistondagi eng ommabop avtomobil, bu – Chevrolet Cobalt hisoblanadi. 2024-yil yanvar – iyul oylarida ushbu markada deyarli 85 ming dona avtomobil ishlab chiqarilgan. Agar Gentra, Nexia va Cobalt oʻrtasida tanlov yuzaga kelsa, oxirgi model qulaylik boʻyicha yetakchidir.
Cobalt ishonchli avtomobil, uning yurish qismi qolganlarga qaraganda kuchliroq hisoblanadi. Texnik xizmatlari ham ancha arzon. Bundan tashqari, Cobaltʼning salon va bagaji Gentra va Nexiaʼdan koʻra kengroqdir. Uning yana bir ajralib turadigan xususiyati kam yonilgʻi sarflashidir.
Chevrolet Uzbekistan rasmiy saytida Gentraʼning narxi 168 million soʻmdan boshlangan, lekin joriy yilning iyul oyidan avtomobil sotuvdan olib tashlandi. Cobaltʼning narxi esa 125 mln soʻmdan boshlanadi. Nexia-3 ning narxi saytda koʻrsatilmagan, lekin bozorda ushbu modelni 100 – 120 million soʻmga sotib olinish mumkin.
Qaysi avtomobilda taksi qilish yaxshiroq
Taksi haydovchilari benzinga pul sarflamaslik uchun metan oʻrnatadi. Cobaltʼning keng bagaji bu uchun juda mos beladi. Mashinalarga texnik xizmat koʻrsatish Gentraʼga nisbatan ancha arzon.
Xarakteristika nuqtai nazaridan Cobalt Gentraʼdan farq qilmaydi. Bundan tashqari, Cobalt oddiy va qulay tabloga ega, bu sizga avtomobilning tezligini aniq koʻrish va boshqarish imkonini beradi. Cobalt haydovchilar servisga Gentra va Nexia egalariga qaraganda kamroq murojaat qiladi.
«Inomarka»lar haqida
«Inomarka»ning muammosi ularning ehtiyot qismlarining kamligidir. Lada avtomobilini olib qarasak, Kalina и Priora tarkibiy qismlar bilan bogʻliq muammolar boʻlmasa, unda koʻproq yangi model egalari ularni boshqa mamlakatlardan, koʻpincha Rossiya yoki Qozogʻistondan buyurtma berishlari kerak.
Yaqinda Carboxʼga Lada Vaso Cross egasi konditsioner kompressorini almashtirish boʻyicha murojaat qilgan, lekin ushbu qism Oʻzbekistonda topilmagan va uni chet eldan buyurtma qilishga toʻgʻri kelgan. Mersedes yoki BMW ehtiyot qismlarni esa uzoqroq kutish va ularga koʻproq mablagʻ kerak boʻladi.
Xususiyatlariga koʻra, ushbu avtoulovlar mahalliylaridan yaxshiroq, ammo Oʻzbekiston sharoitlariga moslashganligi bilan bunday deb boʻlmaydi. Bu vaqt talab etadi, chunki Oʻzbekistondagi avtomobil kompaniyalari oʻrtasidagi raqobat endi-endi rivojlanmoqda.
Lekin allaqachon nemis sifati bilan duch kelganlar koʻp hollarda unga sodiq qolmoqda. Mercedes-Benz W210 egasi Kursiv Uzbekistanʼga mahalliy avtomobillar unda qanday taassurot qoldirgani va nima uchun oʻzining eski nemis avtomobilini sotmagani haqida soʻzlab berdi.
«Birinchi marta Nexia-2 ga oʻtirganimda, mashinaning ichki qismi boʻsh ekanligini his qilganman. Unda na stakan, na telefon qoʻyish uchun joy bor. Ushbu mashinani Toshkentda “chaqqon» deb bilishadi, ammo avtomobilning tormozlari eski Mersedes va BMW tormozlaridan ancha orqada. Umuman olganda, keyingi modellar biroz qulayroq boʻlsa-da, lekin shunga qaramay nemis avtomobillaridagi ba’zi xususiyatlardan orqada. Masalan, W210 avtomobilim 135 ot kuchiga ega, Cobalt boʻlsa 100 ot kuchiga yaqin”, – deydi Kursiv Uzbekistan bilan suhbatda boʻlgan avtomobil ixlosmandi.
Avtomobil bozorini zabt etayotgan Xitoy kompaniyasi
Xitoyning avtomobil kompaniyalari Oʻzbekiston bozorida oʻz ulushlarini kengaytirmoqda. Eng taniqli xitoy avtomobillaridan biri – bu BYD hisoblanadi.
Toshkentdagi BYD salonlaridan birining vakili Kursiv Uzbekistanʼga ularning shoxobchasi oyiga oʻrtacha 250 – 350 avtomobil sotishini ma’lum qildi.
Oʻzbekistonliklar orasida eng mashhur modellar – Song plus champion, Chazor, HAN va Song pro hisoblanadi. Bunday elektr mashinalarning oʻrtacha narxi 380 million soʻmni tashkil etadi.
Shuningdek, yaqindagina Toshkentda BYD Yuan Up krossoverining taqdimoti boʻlib oʻtdi. Elektromobilning boshlangʻich narxi – 266,7 mln soʻmni tashkil etdi.
Avtodillerlarning ta’kidlashicha, ehtiyot qismlar bilan bogʻliq muammolar deyarli yoʻq, ular koʻp hollarda «kosmetik ta’mirlash» uchun avtoservisga murojaat qilmoqda.
Shuningdek, Kursiv Uzbekistan Cobaltʼdan BYD E2ʼga oʻtgan inson bilan suhbatlashdi.
«Deyarli toʻrtinchi oy haydamoqdaman. Cobaltʼdan farqli oʻlaroq, mashinada kruiz nazorati, sensorli ekran, orqa kamera va bar mavjud. Shuningdek, salon ham ancha qulayroq, koʻproq texnologik deyish mumkin. E2 Cobaltʼga qaraganda 100 km/soat tezroq chiqadi», – deydi suhbatdoshimiz.
Uning soʻzlariga koʻra, salonlar avtomobil uchun 2-3 yil kafolat beradi. Shuningdek, u agar olti oy ichida nuqsonlar topilsa, salonga murojaat qilish mumkinligini eslatib oʻtdi.
