2024-yil 1-oktabr holatiga ko‘ra, O‘zbekistonda 529,6 mingta ko‘chmas mulk ijara shartnomasi ro‘yxatga olingan. Bu haqda Soliq qo‘mitasi xabar berdi.
Shundan 378 mingta jismoniy shaxslar o‘rtasidagi shartnomalar 393,9 mlrd so‘m daromad solig‘i keltirdi. Bu o‘tgan yilga nisbatan bitimlar soni 14,4 foizga va daromad solig‘i miqdori 15,2 foizga ko‘paygan.
Yuridik shaxslar o‘rtasidagi 151,6 mingta ijara shartnomasi 207 mlrd so‘m soliq tushumini ta’minladi, bu o‘tgan yilga nisbatan shartnomalar soni 16,5 foizga va soliq summasi 20,1 foizga oshgan.
Shuningdek, talabalar uchun 94,6 mingta turarjoy ijarasi shartnomasi tuzilgan bo‘lib, ular 127 481 nafar ijarachini qamrab oladi. Talabalar uchun uy-joy egalari soliq to‘lashdan ozod qilingan, bu esa 49,1 mlrd so‘m imtiyozga teng bo‘lgan.
Avvalroq Kursiv Uzbekistan yer va mol-mulk solig‘i bo‘yicha to‘langan soliqlar 39 foizga oshganini yozgan edi.
