Sun’iy intellektga ega robot tomonidan chizilgan surat $120 mingga sotilishi mumkin

Sotheby’s auksion uyi Ai-Da rassom-roboti yaratgan portretni savdoga chiqaradi. Bu haqda CNN axborot agentligi xabar berdi.
Ai-Da dunyodagi birinchi ultrarealist rassom-robot hisoblanadi. Ushbu robot Eydan Meller va Engineered Arse tomonidan tayyorlangan. Ushbu robot dasturchi ayol Ada Lavleys sharafiga Ai-Da deb nomlangan bo‘lib, u rasmni bionik qo‘llari va ko‘zlaridagi kameralar yordamida chizadi.
Robot chizgan suratda matematik Alan Tyuring tasvirlangan. Sotheby’s polotno uchun $120 – $180 ming qo‘lga kiritishni rejalashtirgan. Auksion 31-oktabr kuni ochiladi.

Ma’lumot uchun, kartina 2024-yilning may oyida BMTga namoyish etilgan. Shuningdek, robot 2022-yilda Billi Aylish, Dayana Ross, Kendrik Lamar va Pol Makkartnining portretlarini ham chizgan edi.
Eslatib o‘tamiz, avvalroq Kursiv Uzbekistan videoni animatsiyaga aylantiruvchi sun’iy intellekt paydo bo‘lgani haqida xabar bergan edi.