Rodri «Oltin to‘p» sohibi

Futbol olamidagi eng nufuzli «Oltin to‘p» mukofoti «Manchester Siti» va Ispaniya terma jamoasi tayanch yarim himoyachisi Rodrigo Ernandesga (Rodri) nasib etdi.

U ovoz berishda favorit hisoblangan «Real Madrid» hujumchisi Vinisius Juniorni ortda qoldirdi.

Rodri joriy yil «Manchester Siti» bilan Angliya chempioni bo‘ldi va terma jamoasi bilan Yevropa chempionligini qo‘lga kiritdi.

Taqdirlash marosimida sportchi o‘zining «Oltin to‘p» mukofotini olish uchun qo‘ltiqtayoqlarda sahnaga ko‘tarildi. U «Arsenal»ga qarshi o‘yinda tizzasidan jarohat olgan edi.

Eng yosh futbolchi nominatsiyasida esa «Barselona» yarim himoyachisi Lamin Yamal g‘alaba qozondi.

Avvalroq Kursiv Uzbekistan Abduqodir Husanov yilning eng yaxshi yosh futbolchisi sovriniga da’vogar bo‘lgani haqida yozgan edi.