Lufthansa aviakompaniyasi samolyoti Toshkentda favqulodda qo‘nishga majbur bo‘ldi
eʼlon qilindi
Bortidagi yo‘lovchining sog‘lig‘i yomonlashgani tufayli
Lufthansa aviakompaniyasining Myunxendan Shanxayga uchayotgan LH-726 reysi Toshkent aeroportiga soat 08:13 da favqulodda qo‘nishni amalga oshirdi. Bu haqda Uzbekistan Airports ma’lum qildi.
Unga ko‘ra, favqulodda qo‘nishga yo‘lovchilardan birining sog‘lig‘i yomonlashib, qon bosimi beqarorlashgani sabab bo‘lgan. 57 yoshli Italiya fuqarosi bort qo‘nganidan so‘ng darhol poytaxt tibbiyot muassasalaridan biriga joylashtirilgan.
Samolyot soat 10:04 da Toshkent aeroportidan Shanxayga parvozini davom ettirgan.
Eslatib o‘tamiz, avvalroq Istanbuldan Toshkentga uchgan samolyot favqulodda qo‘ngani haqida yozgan edik.
