AQShda bo‘lib o‘tgan prezidentlikka saylovda Donald Tramp Kamala Harrisni ortta qoldirib, birinchi bo‘lib 270 ta ovozga ega bo‘ldi va mamlakatning 47-prezidentiga aylandi. Bu haqda Reuters ma’lum qildi.
Unga ko‘ra, Tramp nomzodiga 70 mln nafardan ortiq saylovchilar ovoz bergan.
Ma’lumot uchun, Donald Trump Amerika Qoʻshma Shtatlarining 45-prezidenti ham bo‘lgan va mamlakatni 2017-2021-yillar davomida boshqargan. U 1946-yil 14-iyun kuni Nyu-Yorkda tugʻilgan va asosan biznes sohasidagi muvaffaqiyatlari bilan tanilgan. Trump ko‘plab yirik ko‘chmas mulkni boshqaruvchi kompaniya, The Trump Organization’ni yaratgan. Shuningdek, u o‘zining televizion shoulari, jumladan «The Apprentice» orqali ham keng mashxurlikka erishgan.
Trumpning siyosiy faoliyati ko‘plab bahs-munozaralarga sabab bo‘ldi. 2016-yilda Respublikachilar partiyasidan prezidentlikka nomzod sifatida saylangan va Demokratlar partiyasidan bo‘lgan Hillari Klintonni mag‘lub etib, AQSh prezidentiga aylangan edi. Uning siyosatida iqtisodiy o‘sish, immigratsiyaga qarshi qat’iy choralar, va xorijiy siyosatda «Amerika peshqadam» tamoyili alohida o‘rin tutdi.
Prezidentlik davrida u ko‘plab yirik o‘zgarishlarni amalga oshirdi, masalan, soliq siyosatini o‘zgartirish, Savdo va immigratsiya siyosatiga yangi yondashuvlar kiritish va AQShning Parij iqlim kelishuvidan chiqishi kabi qarorlarni qabul qildi.
Trump 2020-yilda qayta saylanish uchun kurashdi, ammo Joe Bidenga mag‘lub bo‘ldi. Shuningdek, u 2021-yilda Kapitoliyga hujumni qo‘llab-quvvatlaganlikda ayblandi. Bu esa u haqidagi bahslarning yanada urchishiga sabab bo‘ldi.
Eslatib o‘tamiz, avvalroq mazkur prezidentlikka saylovda g‘alabaga erishish yo‘lida Trampning McDonald’s tarmoqlaridan birida kartoshka fri tayyorlagani va saylovoldi mitingni raqs kechasiga aylantirgani haqida yozgan edik.
