Fly Khiva endi yo‘lovchi tashish sohasida faoliyat yuritadi
eʼlon qilindi
Ilgari kompaniya faqat yuk tashishga ixtisoslashtirilgan edi
Fly Khiva aviakompaniyasi yuk tashish xizmatlari bilan bir qatorda endilikda yoʻlovchi tashish xizmatlarini ham yoʻlga qoʻymoqda. Bu haqda kompaniyaning Telegram kanalida e’lon qilindi.
Xabarda ta’kidlanishicha, bu hafta Toshkent shahrida Fly Khiva yoʻlovchi tashish xizmatlarining taqdimoti oʻtkazilishi rejalashtirilgan.
Ilgari Fly Khiva faqat yuk tashishga ixtisoslashtirilgan edi.
Avvalroq Kursiv Uzbekistan nashri yanvar oyida Fly Khiva Boeing 767-300 samolyotining birinchi bortiga ega bo‘lgani haqida yozgan edi.
