Andijon viloyatining amaldagi rahbari Shuhratbek Abdurahmonov hudud xalq deputatlari Kengashi qarori bilan yangi muddatga tayinlandi, deb xabar qildi viloyat hokimligi.
Abdurahmonov 1969-yilda tug‘ilgan. 1992-yilda Andijon paxtachilik institutining agronomiya fakultetini tamomlagan. Mehnat faoliyatini «Madaniyat» agrofirmasida boshlagan.
2001-yilda Andijon viloyati Paxtaobod tumani hokimi o‘rinbosari etib, 2011-yilda esa viloyat hokimi o‘rinbosari lavozimiga tayinlangan.
Ma’lumot uchun, u 2013-yilning aprelidan buyon Andijon viloyati hokimi lavozimida ishlab kelmoqda.
Avvalroq Kursiv Uzbekistan Toshkent viloyati hokimi Zoyir Mirzayevning lavozimiga qayta tayinlangani haqida yozgan edi.
