Shaxmatchi Afruza Hamdamova jahon chempioni boʻldi
eʼlon qilindi
U ikki karra jahon chempioniga aylandi
Yoshlar oʻrtasidagi jahon chempionatida Afruza Hamdamova yana bir tarixiy natijaga erishdi. Bu haqda Shaxmat federatsiyasi matbuot xizmati xabar berdi.
Afruza Braziliyada boʻlib oʻtayotgan jahon chempionatining 16 yoshgacha qizlar guruhida muddatidan avval gʻalaba qozonib, ikki karra jahon chempioniga aylandi.
Shaxmatchi 2023-yilda Italiyada o‘tkazilgan 14 yoshgacha bo‘lgan yoshlar o‘rtasidagi jahon chempionatida ham g‘olib bo‘lgan edi.
Ushbu natija bilan u ayollar orasida o‘zbekistonlik birinchi jahon chempioniga aylangan va Kursiv Uzbekistan chempionning otasi bilan suhbatlashgan edi.
Eslatib o‘tamiz, avvalroq Kursiv Uzbekistan uch yoshli vunderkind FIDE shaxmat reytingiga kirgani haqida xabar bergan edi.
