16-noyabr kuni Texas shtatining Arlington shahridagi AT&T stadionida sobiq og‘ir vazn toifasidagi mutlaq jahon chempioni Mayk Tayson va videobloger Jeyk Pol o‘rtasida katta boks kechasi bo‘lib o‘tadi. Bu haqda Netflix striming xizmati xabar berdi.
Dastlab jang joriy yilning 20-iyulida o‘tkazilishi rejalashtirilgan edi, ammo Taysonning sog‘ligi bilan bog‘liq muammolar sabab qoldirilgan edi.
Bloger va uning jamoasi jangni pullik translyatsiya qilish uchun uzoq vaqt ishlagan edi. Netflix bu taklifni qabul qilib, translyatsiya huquqlarini $40 millionga sotib oldi. Bu striming xizmati uchun sportga kirish va bunday kontent qancha tomoshabin yig‘ishini bilish uchun tajriba bo‘ldi.
Avvalroq Kursiv Uzbekistan Toshkentga Tayson kelishi haqida yozgan edi.
