Messi shartnomasi yakuniga qadar «Inter Mayami»da qoladi
eʼlon qilindi
U klubga 2023-yilning yozida qo‘shilgan
Argentinalik futbolchi Lionel Messi «Inter Mayami» klubida shartnomasi yakuniga qadar o‘ynashga qaror qildi. Shartnoma 2025-yilning oxirigacha tuzilgan edi, deb xabar berdi Euro-football.com portali.
Messi 2023-yilning iyun oyida Fransiyaning «Pari Sen-Jermen» klubidan ketganidan so‘ng Amerika jamoasiga qo‘shilgan edi.
Futbolchi «Inter Mayami» safida 39 ta o‘yin o‘tkazib, 34 ta gol urdi va 19 ta golli uzatmani amalga oshirdi.
Avvalroq Kursiv Uzbekistan «Inter Mayami» «Atlanta Yunayted»ga yutqazib, AQSh chempionatidan chiqib ketgani haqida yozgan edi.
