Oʻzbekiston, Qozogʻiston va Ozarbayjon “yashil” energiya eksporti boʻyicha shartnoma imzoladi
13-noyabr kuni COP29 sammiti doirasida Oʻzbekiston, Qozogʻiston va Ozarbayjon oʻrtasida «yashil» energiyani rivojlantirish va uzatish sohasida strategik sheriklik bitimi imzolandi. Bu haqda prezident matbuot xizmati xabar berdi.
Shavkat Mirziyoyev qayta tiklanadigan energiyaning faqat iqtisodiy maqsad emas, balki kelajak uchun masʼuliyat ekanligini taʼkidladi. Tomonlar Parij bitimi va barqaror rivojlanish maqsadlari doirasida iqlimni himoya qilish boʻyicha qoʻshma saʼy-harakatlarni qoʻllab-quvvatlashga kelishib oldi.
Yil oxirigacha Oʻzbekiston energetika tarmogʻiga qoʻshimcha 2,6 gigavatt qayta tiklanuvchi energiya ishlab chiqarish quvvatlari va 300 megavattli energiya saqlash tizimlari ulanadi. Shuningdek, 2030-yilga kelib qayta tiklanuvchi energiya manbalari ulushini 40 foizga yetkazish, shuningdek, 4,2 gigavattlik energiya saqlash tizimlarini yaratish rejalashtirilgan.
Loyihani amalga oshirish orqali yangi ish o‘rinlari yaratilishi, energetika infratuzilmasi rivojlanishi va aholi turmush darajasining oshishi kutilmoqda.
Avvalroq Kursiv Uzbekistan mamlakatda quyosh va shamol elektr stansiyalari tomonidan qancha elektr ishlab chiqarilgani haqida xabar bergan edi.
