Afsonaviy Mayk Tayson bloger Jeyk Polga qarshi jangda ochkolar hisobida mag‘lubiyatga uchradi. Jang Netflix tomonidan jonli efirda taqdim etildi.
Boks faxriysi Mayk Tayson va bloger Jeyk Pol o‘rtasida jang to‘liq 8 raund davom etdi. Hakamlar jangni Polning foydasiga 80-72, 79-73, 79-73 deya baholadi.
Umumiy hisob-kitoblarga ko‘ra ushbu g‘alaba Polning karyerasidagi 11-g‘alabasi bo‘ldi. «Temir» Mayk esa o‘zining yettinchi mag‘lubiyatini qabul qildi.
Eslatib o‘tamiz, avvalroq Kursiv Uzbekistan Tayson va Pol o‘rtasidagi jang bo‘yicha mutaxassis fikrini o‘rgangan edi.
