Energetika vazirligi va «Hududgazta’minot» AJ tomonidan haydovchilar uchun «Avto24» mobil ilovasi test rejimida ishga tushirildi. Bu haqda Energetika vazirligi matbuot xizmati xabar berdi.
Ushbu ilova eng yaqin yonilg‘i quyish, siqilgan va suyultirilgan gaz to‘ldirish, shuningdek, elektromobillar uchun quvvatlash shoxobchalarini topish, narxlarni taqqoslash imkonini beradi.
«Avto24» ilovasini Android va iOS qurilmalari uchun bepul yuklab olish mumkin. Dastur avtomatik ravishda yangilanib boriladi.
Avvalroq Kursiv Uzbekistan «Hududgazta’minot» tabiiy gaz sarfi va xarajatlarini onlayn kuzatish boʻyicha ilovani ishga tushirgani haqida yozgan edi.
