«Paxtakor» «Istiqlol»ni mag‘lub eta oladimi

Bugun, 25-noyabr kuni Dubaydagi (BAA) «Al Rashid» stadionida Toshkentning «Paxtakor» jamoasi Elit Chempionlar Ligasi doirasida Eronning «Istiqlol» jamoasiga qarshi to‘p suradi. Kursiv Uzbekistan futbol mutaxassisi Alisher Nikimbayev bilan uchrashuvda yuzaga kelishi mumkin bo‘lgan hisob haqida suhbatlashdi.

Mutaxassisning fikricha, «Paxtakor» qiyin kunlarni boshidan kechirmoqda. Mag‘lubiyatlar seriyasiga klub ichidagi inqiroz tendensiyalari sabab bo‘lmoqda.

«Klub bosh murabbiyi Maksim Shatskixning ishdan bo‘shatilishi yoki ishdan bo‘shatilmasligi, asosiy o‘yinchilarning o‘rinbosarlar jamoasiga o‘tishi va ular hatto o‘rinbosarlar jamoasida ham o‘ynamasligi. Bularning barchasi klub ichida nimadir noto‘g‘ri sodir bo‘layotganidan dalolat beradi», — dedi Nikimbaev.

«Hozirgi asosiy vazifa bugun hech bo’lmaganda mag‘lub bo’lmaslik va keyingi «Al Ayn»ga qarshi o’yinda g‘alaba qozonishdir. Ammo mag‘lubiyat klub uchun hammasi tugadi degani emas, chunki oldinda hali to‘rtta o‘yin bor. Birgina g‘alaba klubning turnir jadvalidagi o‘rnini tubdan o‘zgartirishi mumkinligini inobatga olsak, «Paxtakor»da barcha imkoniyat bor», — deya ta’kidladi Nikimbaev.

Uning qo‘shimcha qilishicha, «Paxtakor» keyingi mavsumda jamoani qanday tiklash, klubga kimni taklif qilish, 2025-yilga jamoa oldiga qanday maqsadlar qo‘yish haqida ko‘proq o‘ylamoqda.

Eslatib o‘tamiz, uchrashuv Toshkent vaqti bilan 21:00 da boshlanadi.