Dala chetidan samarali foydalangan fermerlarga qanday imtiyozlar beriladi

Shavkat Mirziyoyev rahbarligida meva-sabzavot yetishtirish, qayta ishlash va eksportni rivojlantirish bo‘yicha yig‘ilish o‘tkazildi. Bu haqda prezident matbuot xizmati ma’lum qildi.

Unga ko‘ra, qishloq xo‘jaligi imkoniyatlaridan to‘liq foydalanish, mahsulot eksportini ko‘paytirish va ichki bozorda barqaror narxlarni ta’minlash masalalari muhokama qilindi.

Yurtimizda paxta va g‘alla maydonlarini qisqartirish hisobiga 360 ming gektar yer dehqonchilik uchun ajratildi. 2023-yilda oziq-ovqat eksporti $2 mlrddan oshib, O‘zbekiston dunyoda o‘rik, gilos va shaftoli eksporti bo‘yicha yetakchi o‘rinlarni egalladi.

Lekin ayrim hududlarda imkoniyatlar yetarlicha ishlatilmayapti. Shu bois, fermer xo‘jaliklari va xonadonlarga sifatli urug‘, o‘g‘it hamda agrotexnik yordam ko‘rsatish choralari ko‘riladi. Mahallalardagi ko‘chalar va dala chetlaridagi 650 ming gektar yerga mevali daraxt va uzum ekish rejasi ishlab chiqildi.

Eksport hajmini oshirish uchun organik mahsulotlar yetishtirishga e’tibor qaratiladi. Organik sertifikatli maydonlarni 2025-yilga kelib 10 ming gektarga yetkazish vazifasi qo‘yildi. Bundan tashqari, yangi sovutkich omborlari, agrologistika markazlari va qayta ishlash korxonalari tashkil etiladi.

Yig‘ilishda «Yashil makon» loyihasi doirasida ko‘chat ekish va atrof-muhitni asrash choralari ham qayd etildi. Yil davomida belgilangan vazifalarni sifatli bajarish uchun ijro intizomini kuchaytirish bo‘yicha ko‘rsatmalar berildi. Ushbu tashabbuslar meva-sabzavot eksportini kelgusi yilda $3,5 mlrdga yetkazishga imkon yaratadi.

Eslatib o‘tamiz, avvalroq O‘zbekiston avtomobil sanoatida qaysi kompaniya eng ko‘p imtiyozlarga ega ekanligi haqida yozgan edik.