Begishevo aeroporti Toshkentga yangi parvozni yo‘lga qo‘ydi

Begishevo xalqaro aeroporti Yuvt Aero aviakompaniyasi bilan hamkorlikda Toshkentga yangi xalqaro yo‘nalishni ochadi. Bu haqda aviakompaniya rasmiy saytida ma’lum qilindi.

Unga ko‘ra, ushbu parvozlar 2024-yil 23-dekabridan boshlab har hafta dushanba kunlari muntazam ravishda amalga oshiriladi.

Yo‘lovchilar reyslar haqida batafsil axborotni aeroportning ma’lumot markaziga qo‘ng‘iroq qilib yoki rasmiy sayti va mobil ilovasidagi jadval bo‘limidan bilib olishlari mumkin.

Eslatib o‘tamiz, avvalroq «Silk Avia» yangi kechki parvozlarni yo‘lga qo‘ygan edi.