2-dekabr, dushanba kuni Chevrolet Cobalt GX-Style AT Plus va GX-MIDNIGHT AT modellari uchun to‘lov muddati tugaydi. Bu haqda UzAuto Motors matbuot xizmati xabar berdi.
Kompaniya fuqarolarni firibgarlardan ehtiyot bo‘lishga chaqirib, shubhali e’lonlar yoki «shartnoma sotib olish» takliflariga ishonmaslikni so‘raydi.
Shuningdek, UzAutoSavdo platformasida xaridor yoki diler ma’lumotlarini o‘zgartirish imkoniyati yo‘qligini ta’kidlandi.
Eslatib o‘tamiz, Cobalt GX-Style AT Plus narxi – 147,9 mln so‘m bo‘lib, navbat kutish talab etiladi. Cobalt Midnight — navbatsiz yoki minimal kutish bilan 155,2 mln so‘mga xarid qilish mumkin.
Avvalroq Kursiv Uzbekistan Chevrolet Cobalt avtomobili uchun 55 mingdan ortiq shartnomalar tuzilgani haqida yozgan edi.
