Lynk & Co Auto rasmiy ravishda 22-dekabrda yangi Lynk & Co Z20 avtomobilining sotuvga chiqarilishini ma’lum qildi. Bu haqda Ithome xabar berdi.
Yangi avtomobil uchun avvalroq 2024-yil Ganchjou avtosalonida oldindan buyurtmalar qabul qilingan edi, sotuvdan oldingi narxi $20 ming $22 minggacha bo‘ladi.
Lynk & Co Z20 ning o‘lchamlari 4460 x 1845 x 1573 mm, tirkama bazasi esa 2755 mm.ni tashkil etadi. Bundan tashqari, avtomobilda 61,47 kVt·soat sig‘imli litiy-temir fosfatli akkumulyator mavjud bo‘lib, to‘liq zaryadlangan holda 530 km.gacha masofa bosib o‘tishi mumkin.
Ushbu avtomobil tezkor zaryadlash texnologiyasini 4,5 C darajasida qo‘llab-quvvatlaydi va akkumulyatorni 10 dan 80 foizgacha 15 daqiqa ichida zaryadlash imkonini beradi.
Avtomobilda 339 ot kuchiga ega motor o‘rnatilgan bo‘lib, uning maksimal momenti 373 N·m va maksimal tezligi 190 km/soatni tashkil etadi. Taqqoslash uchun, Zeekr X ning bitta dvigatelining maksimal quvvati 270 ot kuchini tashkil etadi.
Avtomobilning «ichki maydoni» 4,03 kvadrat metrni tashkil etadi, u vaznsizlik rejimiga ega kreslolar, 14 dinamikli Harman Kardon audio, shuningdek, atmosferali yoritish tizimi va muzlatkich bilan jihozlangan.
Eslatib o‘tamiz, avvalroq Kursiv Uzbekistan Zeekr avtomobillari Euro NCAP xavfsizlik reytingida yetakchi bo‘lgani haqida xabar bergan edi.
