O‘zbekistonda mahkumlar uchun elektron brasletlar ishlab chiqariladi
eʼlon qilindi
Ular Respublika kriminalistika ilmiy-tadqiqot instituti tomonidan ishlab chiqilgan
O‘zbekistonda mahkumlarni kuzatish uchun mo‘ljallangan elektron brasletlar ishlab chiqarish yo‘lga qo‘yiladi. Bu haqda O‘zA agentligi xabar berdi.
Mazkur brasletlar va ularga mos dasturiy ta’minot Respublika kriminalistika ilmiy-tadqiqot instituti tomonidan ishlab chiqilgan.
Joriy yilning aprel oyida elektron brasletlar mamlakatda sinovdan o‘tkazilgani haqida ma’lumot berilgan edi. Ularni bosqichma-bosqich joriy etish ishlari shu yilning oxiriga qadar yakunlanishi rejalashtirilgan.
Avvalroq Kursiv Uzbekistan nashri O‘zbekistonning 3,6 ming mahallasida jinoyatchilik yo‘qligi haqida yozgan edi.
