Deyarli 100 ming ishchi Volkswagen zavodlarida norozilik namoyishida ishtirok etgan. Bu haqda Reuters agentligi xabar berdi.
Namoyishchilar rahbariyatning maoshlarni qisqartirish va Yevropadagi eng yirik avtomobil ishlab chiqaruvchi korxonalarni yopish rejalariga rozi emasligini bildirgan.
Shuningdek, IG Metall kasaba uyushmasi ma’lumotlariga ko‘ra, norozilikda Germaniya bo‘ylab to‘qqizta zavodda 98,6 mingdan ziyod ishchilar ishtirok etdi. Shundan so‘ng Volkswagen o‘zining 87 yillik tarixida birinchi marta xarajatlarni qisqartirish va foydani oshirish maqsadida Germaniyadagi zavodlarni yopish bilan tahdid qildi.
«Bu protestlarning birinchi va kuchli zarbasi edi, Volkswagen nihoyat o‘zining dahshatli rejalaridan voz kechishi kerak, aks holda bizning hamkasblarimiz to‘g‘ri javobni aniqlaydi», – dedi IG Metall muzokarachisi Torsten Greger.
O‘tgan haftada kasaba uyushmasi 2025 va 2026-yillar uchun bonuslardan voz kechish bo‘yicha 1,5 milliard yevro tejashga mo‘ljallangan choralarni taklif qildi. Rahbariyat bu choralarni realizmga to‘g‘ri kelmaydigan va bo‘lishi muqarrar voqealarni kechiktiradi deb rad etdi.
Eslatib o‘tamiz, avvalroq Kursiv Uzbekistan Volkswagen kompaniyasi to‘g‘ridan-to‘g‘ri savdo modelidan voz kechishni rejalashtirgani haqida xabar bergan edi.
