Asad aviahalokat natijasida vafot etishi mumkin edi – Reuters
Suriya sobiq prezidenti Bashar Asad aviahalokatda vafot etishi mumkin edi. Bu haqda Reuters agentligi manbalariga tayanib xabar berdi.
Suriya jangovar guruhlari tomonidan Damashqni egallash vaqtida, poytaxt aeroportidan Syrian Air samolyoti uchib ketgan. Ammo bir necha daqiqa o‘tib, samolyot radarlardan yo‘qolgan. Manbalarning ma’lumotiga ko‘ra, Asad samolyotda bo‘lishi mumkin edi.
Reuters agentligining ta’kidlashicha, 8-dekabr holatiga ko‘ra Asadning joylashuvi nuqtasi noma’lum bo‘lgan.
Asadning falokati Rossiya va Eronning Yaqin Sharqda o‘rinlarini zaiflashtirishi mumkin. Biroq bu mintaqaga yanada katta noaniqlikni keltirib chiqarishi ham mumkin, deydi Reuters.
Shu bilan birga, Suriya Bosh vaziri Muhammad G‘azi al-Jalali mamlakatda hokimiyatni topshirishga tayyorligini bildirdi.
«Haqiqiy savol shundaki: bu o‘tish qanchalik tartibli bo‘ladi?» – dedi Oklahoma universitetining Yaqin Sharq bo‘yicha tadqiqotlar markazi direktori Joshua Landis.
Asadning falokatidan so‘ng Xay’at Tahrir ash-Sham (XTSh) guruhining mamlakatda ta’siri kuchayishi kutilmoqda. Oldinroq bu terroristik tashkilot “Al-Qoida»ning «Al-Nusra Fronti» sifatida tanilgan edi.
2016-yilda XTSh rahbari Abu Muhammad al-Julani jahon jihodchilar harakati bilan aloqalarni uzgan edi.
Bashar Asad haqida
Bashar Asad 1965-yil 11-sentabrda tug‘ilgan. U Suriya sobiq prezidenti Xafiz Asadning kichik o‘g‘li bo‘lib, Xafiz Asad 1971-yildan 2000-yilgacha mamlakatni boshqargan.
Xafizning o‘g‘li Bashar Asad 2000-yildan boshlab Suriya hukmdori bo‘lgan. U keyinchalik uch marta prezidentlikka qayta saylangan. 2021-yildagi so‘nggi saylovda u 95,1 foiz ovoz to‘plagan.
«Keling, ertadan boshlab Suriya haqiqatan qanday bo‘lishi kerakligini va mamlakatni qurish umijini mustahkamlash uchun ishlashni boshlaylik», – degan edi Asad 2021-yilgi saylovdagi g‘alabasini sharhlaganida.
2011-yilda AQSh va Yevropa Ittifoqi Bashar Asad va Suriya hukumatiga inson huquqlari buzilishi sababli sanksiyalar joriy qilgan edi. Ushbu holat Suriya fuqarolar urushining boshlanishiga sabab bo‘lgan va urush 13 yil davom etmoqda.
BMT ma’lumotlariga ko‘ra, 2011-yil 1-martdan 2021-yil 31-martgacha Suriya urushi davomida 306 mingdan ortiq tinch aholi halok bo‘lgan.
Eslatib o‘tamiz, avvalroq Kursiv Uzbekistan Asad Isroildan yordam so‘ragani haqida xabar bergan edi.
